نمونه هایی از اشعار شاعر بنام و زبانزد روستای آتش بیگ (عطاء الله امیری) در وصف زادگاه خویش روستای آ
بویوک دوشون سازاخ چالان یئللّری
گورملیدیر یوردوموزون ائیللّری
جیران جیران گیلدیکلری دره ردی
گتیره ردی دام دیواردا سره ردی
.................................................
کله نوین داغی داشی بره سی
گویده اوچان لاچین لارین فره سی
اوردان گلر آتش بیگین بره سی
آتش بیگین خوش گونلری گلجک
غم غصّه لر اورکلردن گئدجک
..................................................
مشه ماهی خیار خیرچا ساتاردی
علی خان عموم چارداخ اوسته یاتاردی
اونا اوستن جوانلار داش آتاردی
فلک ویردی تای توشیمیز ییخیلدی
اورگیمیز درد وغمنن سیخیلدی
.................................................
پایییز فصلی خزان اولان گونلری
جوشقونّیار قرّانقونون سللّری
بیر گوریدیم نازلی قارا تللّری
خان باغینا ائیندیم منده خزله
گوزیم دوشدی او قرا تل گوزله
...............................................
صفالیدیر خانگوزه سی گورملی
سیر ائتملی چوخدا صفا سورملی
کورن آتین ساچلاریدا هورملی
قویون قوزی چای چمنده ملردی
جلیل خانین درمانیدا الردی
...........................................
تک آغاجدا قویون قوزی یاتاردی
گونده داغین دال داسیندا باتاردی
چوبان علی مطلبینه چاتاردی
قارانلوخدا چوبان نیین چالاردی
قوزیلاری قوجاغینا آلاردی
...............................................
قویون اوتلار کناریندا بالاسی
تویوخلارین یومورتاسی فالاسی
کوپکلرین آغی، بوزی قره سی
بیزیمکندین چای، چمنی بولاغی
قورد گیزلنر بیر گورونر قولاغی
.............................................
عاشیقلارون حقیقتدن دیردی
اوشاقلارون قیرمیزی دون گیردی
جلیل خانون توتوپ تویوخ ییردی
گوزلیدی گئچیپ گئیدن زامانلار
او زاماننّان قالیب بیرجه دومانلار
................................................
بیر اوچیدیم سهندیمین باشینا
ال آتیدیم سیلریملار داشینا
بیر باخیدیم آنامین گئوز یاشینا
گوزلیدی عزیز آبادین خاچاسی
ایلخیچینین تورشا شیرین آلچاسی
...............................................
سید حسین مناجاتی چکردی
بهمن خانون مسجیددّه چای توکردی
مشه شمعی بوستانلاری اکردی
یاغیب (یعقوب) کیشی یونجالاری بیچردی
ناهار اولوب عیران چورک ایچردی
................................................
ارشد سلطان تفنگینی آتاردی
بئلینده کی آفتامیدی قاتاردی
دشمن وئروب سنگرلرده یاتاردی
محبوب کیشی آتین اوسته دوراردی
شاه سونین آتلی سینی قیراردی
................................................
محبوبیمین بئش آچیلان الینده
اونودولیپ او قهرمان ائلینده
یاراسی وار آرخاسیندا بئلینده
کنول ده داغلاردان الهامین آلار
شهریار اوستادین یادینا سالار
.......................................
منتظر غزلیات و قصیده های جالب شاعر گرانقدر باشید
